Այսօր Նեպալում դարձյալ երկրաշարժ է գրանցվել՝ 4,1 մագնիտուդ ուժգնությամբ: Այդ մասին հաղորդել է ԱՄՆ երկրաբանական ծառայությունը:
Ստորգետնյա ցնցումների Էպիկենտորնը գտնվել է մայրաքաղաք Կատմանդուից 56 կմ հեռավորության վրա, հիպոկենտրոնը 10 կմ խորության վրա է գտնվել:
Վերջին երկրաշարժի հետևանքով ավերածությունների ու տուժածների վերաբերյալ տեղեկատվություն չի հաղորդվում:
Հիշեցնենք, որ ապրիլի 25-ին տեղի ունեցած աղետալի երկրաշարժի զոհերի թիվը գերազանցել է 7200-ը: