Ինչպես հայտնի է, վերջերս ՀՀ նախագահ Սերժ Սարգսյանը հանդիպում է ունեցել «Գազպրոմ» ԲԲԸ վարչության ղեկավար Ալեքսեյ Միլլերի հետ: Հանդիպման ընթացքում Հայաստանի համար գազի սակագնի զեղչի մասին պայմանավորվածություն է ձեռք բերվել:
«Եվրասիական տնտեսական միություն ՀՀ մուտքով պայմանավորված՝ գազի սակագինը Հայաստանի համար կնվազեցվի ու կհասցվի 165 դոլարի՝ 1000 խորանարդ մետր գազի դիմաց: Նման սակագնի սահմանումը հնարավորություն կտա ներդրումներ կատարել գազամատակարարման համակարգի մոդեռնիզացման ուղղությամբ»,- «Ռոսսիա-24»-ի եթերում հայաստանյան այցի արդյունքներն է ամփոփել Միլլերը: Նա նաև տեղեկացրել է, որ Հայաստանի հետ գազամատակարարման ու գազաֆիկացման նոր սխեմա է մշակվել, որով նպատակ է դրվել ՀՀ գազաֆիկացումը հասցնել 100 տոկոսի:
Նշենք, որ այժմ Ռուսաստանից Հայաստան ներկրվող գազի սակագինը 1000 խորանարդ մետրի համար կազմում է 189 դոլար: