Իրադարձություններ

     Պատգամավոր Արա Բաբլոյանն Աժ-ում ներկայացնում է «Բնակչության բժշկական օգնության և սպասարկման մասին» օրինագծի փոփոխությունները: Նախագծով առաջարկվում է կարգավորել ոլորտի աշխատողների մասնագիտական զարգացման խնդիրները:
     ԲՀԿ խմբակցության ղեկավար Նաիրա Զոհրաբյանին առավել հետաքրքրում էր, թե ցածր աշխատավարձի պատճառով բարձրակարգ քանի՞ բժիշկ է լքել Հայաստանը` եվրոպական կլինիկաներում աշխատելու համար: Առողջապահության, մայրության և մանկության հարցերի մշտական հանձնաժողովի նախագահն ասաց, որ ի տարբերություն մյուս երկրների, բուժաշխատողների հոսքն ավելի քիչ է. «Այո, կան կորուստներ, դժվարություններ, բայց հոսքը, ի տարբերություն օրինակ` Լեհաստանի, Ռումինիայի, Բուլղարիայի և այլ երկրների, ավելի քիչ է: 2 տարի առաջ Ռումինիայի դեսպանի հետ առողջապահական ծրագիր էինք քննարկում: Դեսպանը ողջունեց, որ ՀՀ-ում կարողացել ենք պահել բուժաշխատողներին, մինչդեռ իրենց մոտ` Ռումինիայում, չունեն բժիշկներ և քույրեր»: