Միջազգային

     Հայ ջրացատկորդ Վլադիմիր Հարությունյանը, Գերմանիայի Դրեզդեն քաղաքում ապրիլի 23-26-ը անցկացվող ջրացատկի երիտասարդական միջազգային մրցաշարում աշտարակացատկ վարժությունում հավաքելով 507.10 միավոր նվաճել է ոսկե մեդալ: Հայաստանը ներկայացնող մյուս ջրացատկորդ Ազատ Հարությունյանը աշտարակացատկում 484.10 միավորով արժանացել է բրոնզե մեդալի: Սինքրոն ցատկ վարժությունում Վլադիմիր և Ազատ Հարությունյան եղբայրները 29 երկիր ներկայացնող մարզիկների շարքում հայտնվել են լավագույն տասնյակում՝ 254.19 միավորով զբաղեցնելով 6-րդ տեղը: Մեր ջրացատկորդները մարզվում են Դավիթ Համբարձումյանի անվան ջրացատկի օլիմպիական հերթափոխի մասնագիտացված մանկապատանեկան մարզադպրոցում՝ գլխավոր մարզիչ Հրաչյա Չանդիրյանի ղեկավարությամբ: