Թուրքական «CNBC» հեռուստաալիքի եթերում ապրիլի 24-ին արտառոց դեպք է տեղի ունեցել: Հեռուստաալիքն այդ օրը Թուրքիայում անցկացվող Գալիպոլիի ճակատամարտին նվիրված միջոցառումների փոխարեն Երևանում՝ Ծիծեռնակաբերդում ընթացող արարողությունն է հեռարձակել:
Թուրք հաղորդավարուհին կարդացել է Թուրքիայում ընթացող Գալիպոլիի միջոցառման մասին, սակայն տեքստին ուղեկցող կադրերը եղել են Երևանում ընթացող՝ Ցեղասպանության 100-ամյակին նվիրված միջոցառումից։ Ընդ որում՝ Հայոց ցեղասպանությունը պատկերող միջոցառումների կադրերի վրա գրված է եղել «Ուղիղ միացում՝ Չանաքքալեից»:
Հեռուստաալիքի այս վրիպումն արդեն սկանդալային իրարանցում է առաջացրել Թուրքիայում և տեղի լրատվական դաշտում: