Խնդրում ենք սպասել...

Իրադարձություններ

«Չդառնա, որ մի դատավոր ունենա հինգ հաշտարար ու պաս տա, կիսվեն». Գ. Ջհանգիրյան

15:45, երկուշաբթի, 27 ապրիլի, 2015 թ.
«Չդառնա, որ մի դատավոր ունենա հինգ հաշտարար ու պաս տա, կիսվեն». Գ. Ջհանգիրյան
     «Հայտնի բան է չէ՞ մեր օրերում. մարդը գնում է բժշկի մոտ, բժիշկը նայում է, զննում ու վերջում ասում` այս դեղն է պետք, կգնաս, կոնկրետ այս դեղատնից կառնես: Հասկանալի է չէ՞` ինչի ա էնտեղ ուղարկում: Խնդիրը սա է` ի՞նչ մեխանիզմ պետք է կիրառել, որ այնպես չդառնա, որ դատավորները սկսեն մարդկանց հաշտարարների մոտ ուղարկել: Բժիշկը կարող է ցանկացած դեղատուն ուղարկել, բայց կոնկրետ դեղատուն է ուղարկում: Ի՞նչ պիտի անենք, որ ֆինանսական հաշտարարի համակարգը մեր այս արատավոր պրակտիկայով չաշխատի»,- դիմելով «ՀՀ քաղաքացիական դատավարության օրենսգրքի փոփոխությունները» ներկայացնող հարակից զեկուցող Էդմոն Մարուքյանին` ասաց «Ժառանգությունից» Թևան Պողոսյանը:
     Նախագծով առաջարկվում է, որ դատական վեճերը հաշտեցնելու համար հաշտարարներ աշխատեն, որը կարող է լինել ցանկացած մարդ՝ համապատասխան որակավորում ստանալուց հետո:
     «Սկզբում դատարան գնալու խնդիր չկա, որովհետև հաշտարարի ինստիտուտը ենթադրում է արտադատարանական լուծում: Կնքված հաշտությունն է դատարանը հաստատում, եթե չկա հաշտություն` այսինչ հաշտարարի մոտ դատարանը չի կարող ուղարկել. հաշտարարի մոտ ուղարկելով` դատավորը չի կարող կողմերին հաշտության բերել, եթե, նորից եմ ասում, երկուսին ձեռնտու հաշտություն չի եղել»,- ասաց հարակից զեկուցող Էդմոն Մարուքյանը:
     «Չդառնա, որ մի դատավոր ունենա հինգ հաշտարար ու սա նրանց պաս տա, կիսվեն: Սրա մասին պետք է մտածենք, որ բաշխումն ավտոմատ համակարգով լինի, այբբենականով լինի ու հաշտարարների թիվը մեծ լինի»,- իր ելույթում ասաց ՀԱԿ-ից Գագիկ Ջհանգիրյանը:
3532 | 0
Facebook