Շաբաթ և կիրակի օրերին Նեպալում տեղի ունեցած ուժգին երկրաշարժերի զոհերի թիվը հասել է 3326-ի: Հաղորդվում է ավելի քան 6500 վիրավորների մասին: Երկրում այժմ արտակարգ դրություն է հայտարարված:
Որոնողափրկարարական աշխատանքներին ներգրավված են զինվորականներ, ինչպես նաև փրկարարական ջոկատներ տարբեր երկրներից՝ Չինաստանից, ԱՄՆ-ից, Կանադայից, Ավստրալիայից, Ճապոնիայից, Ռուսաստանից և Շրի-Լանկայից: