Երեկ՝ ապրիլի 24-ին, Թուրքիայի մի շարք քաղաքներում Հայոց ցեղասպանության զոհերի հիշատակին նվիրված միջոցառումներ են անկացվել: Սակայն գլխավոր միջոցառումները եղել են Ստամբուլում, Անկարայում և Դիարբեքիրում։ Վրույր Փադևոսյանը ֆեյսբուքյան իր էջում գրել է. «Ստամբուլի կենտրոնական՝ ամենամեծ Թաքսիմ հրապարակը փակեցին հայերը մի քանի կիլոմետրով։ Այստեղ էր նաև Արսինե Խանջյանը և անվանի ուրիշ սփյուռքահայեր։ «Տեր ողորմյան», «Ով սիրուն, սիրունն» ու այլ հոգևոր-հայկական երգեր հնչեցին, մարդիկ լացում, հուզվում ու արտասվում էին, ինչպես նաև ի հիշատակ իրենց նախահայրերի, ովքեր զոհ են գնացել Ցեղասպանությանը, ցանկության ծառի վրա կապեցին ժապավենները։ Այդ ժապավեններով ծառն ամբողջ Անատոլիայի քաղաքներով տանելու են ու այսպես նաև շարունակելու են միջոցառումները»։