Արսեն Ավակովը Հայոց ցեղասպանության վերաբերյալ գրառում է կատարել «Ֆեյսբուք»-ում
 Եվրոպան ոգեկոչում է մեկ ու կես միլիոն սպանվածների, կտտանքների ենթարկվածների, սովից մահացածների հիշատակը, որոնց սպանողների առջև միակ մեղքը «սխալ» ազգությունն էր և «սխալ» հավատը: Դա մանրակրկիտ ծրագրված և իրականացված ոճրագործություն էր, որը տևեց 2 տասնամյակ: 1915թ. ապրիլի 24-ին մեկ գիշերվա մեջ Օսմանյան կայսրությունում ձերբակալվեցին 100 հազարավոր մտավորականներ, հոգևորականներ, գրողներ, փիլիսոփաներ և նկարիչներ, մարդիկ, ովքեր հայ ժողովրդի հոգևոր առաջնորդներն էին: Նրանք, ովքեր կարող էին ազգը տանել իրենց ետևից: Գրեթե բոլորը սպանվեցին: Առ այսօր ոչ մի երկիր և ոչ մի ժողովուրդ երաշխավորված չէ ողբերգության կրկնությունից։ Հենց այդ պատճառով էլ կարևոր է պետական մակարդակով ճանաչել Հայոց ցեղասպանությունը, թեկուզ 100 տարի անց դատապարտել հանցագործությունը, հռչակել ցանկացած հակամարտության վեճի նման «լուծման» անթույլատրելիությունը, ստանձնել քաղաքական պարտավորություններ: Եկեք մենք էլ տանենք հայ ժողովրդի ցավը, որ ողբերգությունը երբեք չկրկնվի»,- կոչ է արել Ավակովը։
|
