Վերաքննիչ քրեական դատարանն այսօր անփոփոխ է թողել «Հիմնադիր խորհրդարանի» անդամ Ժիրայր Սեֆիլյանի խափանման միջոցը:
Ազատամարտիկների հացադուլ-նստացույցը, որը պետք է տեղի ունենար այսօր` Ազատության հրապարակում, տեղափոխվել է ՄԻՊ գրասենյակի մոտ: Ազատամարտիկ Խաչիկ Ավետիսյանը լրագրողներին տեղեկացրել է, որ Մարդու իրավունքների պաշտպանի գրասենյակի դիմաց հացադուլ անելու նպատակն օմբուդսմենին հիշեցնելն է, որ երկրում կան քաղբանտարկյալներ: Ազատամարտիկը հույս է հայտնել, որ մինչև մայիսի 9-ը ձերբակալվածներին ազատ կարձակեն:
Տեղեկացնենք՝ նախապես հայտարարված էր, որ շուրջ 50 ազատմարտիկ պատրաստ է հացադուլ անել, մինչդեռ մասնակիցների թիվը 20-ից չէր անցնում: