«
Կրթության մասին» օրենքում փոփոխություններ կատարելու օրինագծերի փաթեթի քվեարկությունից առաջ, (խոսքը` պարտադիր կրթության շեմը բարձրացնելու վերաբերյալ նախագծի մասին է), պատգամավորները հանդես եկան առաջարկներով:
«Առաջարկում եք, որ միջնակարգ կրթությունը պարտադիր լինի մինչև 19 տարեկանների համար: Անընդունելի է, որ պարտադրվի 19-ամյա մարդուն միջնակարգ կրթություն ստանալ: Աղջիկ է, կարող է` ուզում է ամուսնանալ: Եկեք հետաձգենք, առավել ևս, եթե սա 2017 թվականին է վերաբերում»,- ասաց ՕԵԿ խմբակցության ղեկավար Հեղինե Բիշարյանը:
ՀԱԿ-ից Արամ Մանուկյանը ևս նշեց, որ օրինագծում անընդունելի դրույթներ կան ու առաջարկեց ոչ միայն շտկումներ անել, այլև` «Քրիստոսի տեսքի բերել», ապա նոր քվեարկել:
ԱԺ նախագահն առաջարկեց կրթության հանձնաժողովի նախագահ Արտակ Դավթյանին ԿԳ նախարարի հետ ևս մեկ անգամ քննարկել պատգամավորների մտահոգությունները:
Օրինագծի քվեարկությունը հետաձգվեց մինչև վաղը: