Ինչպես ավելի վաղ
նշել էինք, մարտի 29-ին հակառակորդի հրազենային կրակոցից զոհվել էր 1995 թվականին ծնված Հովսեփ Սամսոնի Անդրեասյանը: Զինծառայողն Արարատի մարզի Մխչյան գյուղից էր: ՄԱՄՈՒԼ.am լրատվականի թղթակիցը զրուցեց համայնքի ղեկավար Խաչիկ Պողոսյանի հետ: «Գյուղական սովորական ընտանիքի երեխա էր, հասարակական վատ արարքներով աչքի չէր ընկել: Տան կրտսերն էր, ունի երկու քույր և մեկ եղբայր»: Գյուղապետը նաև ասաց, որ երիտասարդը շուտով կզորացրվեր: