Աշխարհահռչակ ֆուտբոլիստները Հայաստանում էին. դրվագներ՝ Խորեն Հովհաննիսյանի հոբելյանական հանդիպումից
00:00, կիրակի, 29 մարտի, 2015 թ.
Վազգեն Սարգսյանի անվան «Հանրապետական» մարզադաշտում կայացավ Խորեն Հովհաննիսյանի 60-ամյակին նվիրված հանդիպումը։ Ֆուտբոլային այս մեծ տոնը՝ ԽՍՀՄ և Աշխարհի հավաքական թիմերի հանդիպումը, ավարտվեց ոչ-ոքի՝ 3:3 հաշվով։ Հանդիպման մեկնարկն ազդարարվեց «Բերդ» պարային համույթի պարով, ինչից հետո երեկոյի հաղորդավարները խաղադաշտ հրավիրեցին տոնի մասնակիցներին։
Հանդիպումն ընթանում էր երկուստեք գրոհներով և գեղեցիկ հնարքներով։ Ճիշտ է` տարիքն իրենն ասում է, սակայն վարպետությունը երբեք չի անհետանում։ Հանդիպման ավարտին հաղորդավարները շնորհակալություն հայտնեցին ներկաներին և կոչ արեցին մարտի 29-ին աջակցել Հայաստանի ազգային հավաքականին՝ Եվրո-2016-ի ընտրական փուլի՝ Ալբանիայի դեմ կայանալիք հանդիպման ընթացքում։ Հիշեցնենք, որ ֆուտբոլային տոնին ներկա էին նաև Վախթանգ Կիկաբիձեն և Թաթա Սիմոնյանը, ովքեր իրենց կատարումները նվիրեցին հոբելյարին, փոխանցում է ՄԱՄՈՒԼ.am-ի թղթակիցը: