Ալ Կապոնեի չբացահայտված տաղանդը
19:18, երեքշաբթի, 31 մարտի, 2015 թ.
 Սպիավոր դեմքով հանցագործը՝ Ալ Կապոնեն, ով կահույքի բիզնեսի ծածկի տակ Չիկագո է մատակարարել ալկոհոլային խմիչքներ, զբաղվել է քաղաքական գործիչներին կաշառելով և կավատությամբ, «Մադոննա Միա» հուզառատ երգը գրել է «Ալկատրաս» կալանավայրում անցկացրած իր տարիներին և հանձնել է ապագա ճիզվիտ քահանա Վինսենտ Քասային, ով 1930-ական թթ. հաճախ էր այցելում «Ալկատրաս» կալանավայր և բարիդրացիական հարաբերություների մեջ էր Ալ Կապոնեի հետ: Երգը հանրության դատին է հանձնվել նրա մահից մոտ 70 տարի անց միայն: 2009թ. ապրիլին այն թղթի պատճեն, որի վրա գրված էին երգի բառերն ու երաժշտությունը՝ ներկայացված նոտաների տեսքով, վաճառքի է հանվել ռեկորդային` 65 հազար ամերիկյան դոլար արժեքով: Ալ Կապոնեի հիշատակի համար բացված «CaponeFanClub.com» կայքի կառավարիչ Ռիչ Լարսենը ձեռք է բերել երգի բառերն ու երաժշտությունը և զբաղվել երգի ձայնագրությամբ: Հետագայում արդեն, խոսելով երգի մասին, Լարսենն այն բնութագրել է որպես հոգեցունց մի երևույթ: Այդ նույն թվականին էլ՝ 2009-ին, Ռիչարդն ստեղծել է երաժիշտների և վոկալիստների խումբ, որոնց շնորհիվ էլ երգը ձայնագրվել է ձայնասկավառակի վրա: |
9335 | 0
