iShuu Technologies-ի մասնագետներն ստեղծել են կոշիկ, որը կարող է փոխել իր գույնը: Դրա համար անհրաժեշտ է միայն սեղմել սմարթֆոնի համապատասխան կոճակը:
Կոշիկները, որ ստացել են Voltarii Timeless անվանումը, արտաքինից ծածկված են e-ink-ի (էլեկտրոնային թանաք) ճկուն շերտերով:
Նույն տեխնոլոգիան կիրառվում է նաև էլեկտրոնային գրքերի ստեղծման ժամանակ: Կոշիկի ներբանի տակ թաքնված «Bluetooth» ընդունիչն էլ օգնում է հրահանգներ ստանալ սմարթֆոնից:
Կոշիկը լիցքավորվում է անլար, իսկ գունային տեսականին կարող է լինել բազմազան: Սև կոշիկները վայրկյաններ անց կարող են դառնալ ճեփ-ճերմակ:
Վաճառքում կոշիկը հայտնվել է այս տարվա դեկտեմբերին, մեկ զույգի գինը 250 դոլար է: