Թուրքիայի ԵՄ հարցերով նախարար Վոլկան Բոզկիրը հայտարարել է, որ ԵՄ անդամ դառնալու դեպքում իր երկիրը պատրաստ է 60 հազարանոց զորք տրամադրել միությանը:
Այդ հայտարարությունը կապված է գերմանական «Welt am Sonntag» պարբերականում հրապարակված մի հոդվածի հետ, որտեղ Եվրոհանձնաժողովի ղեկավար Ժան Կլոդ Յունկերը նշել էր, որ Եվրոմիությանը սեփական շահերը պահպանելու համար անհրաժեշտ է սեփական միասնական բանակ ունենալ: Այդ գաղափարը աջակցություն էր ստացել Գերմանիայի Պաշտպանության նախարար Ուրսուլա ֆոն դեր Լյայենի կողմից, իսկ գերմանական ընդդիմությունը քննադատել է Յունկերի առաջարկը:
Թուրքիան Եվրոմիության հետ ասոցացման համաձայնագիր կնքել է 1963թ.: Եվրոմիությանն անդամակցելու հայտ Անկարան ներկայացրել է 1987թ.: Հարցի շուրջ բանակցություններն սկսվել են 2005թ.: