Այժմ ծննդաբերությունները հիմնականում անց են կացվում ծննդատներում՝ ծննդաբերական հատուկ հարմարանքների վրա՝ մի խումբ գինեկոլոգների հսկողությամբ: Սակայն ոչ այնքան վաղ անցյալում կանայք ծննդաբերել են տնային պայմաններում՝ տատմայրերի օգնությամբ: Իսկ ծնունդը հեշտացնելու համար ծննդկաններին նստեցրել են հատուկ աթոռների վրա, որոնք փոխանցվել են սերնդեսերունդ: Դրանց մի մասն անգամ ձևափոխվելու և օրորոց դառնալու հնարավորություն է ունեցել: Այժմ ծննդաբերական աթոռներ կարելի է գտնել աշխարհի շատ թանգարաններում: