Կոմիտասին նվիրված հուշարձանը կտեղադրվի Սանկտ-Պետերբուրգի Վասիլևսկի կղզու Կամսկի այգում: Այս մասին հայտնել է Սանկտ-Պետերբուրգի քաղաքաշինության և ճարտարապետության հանձնաժողովի մամլո ծառայությունը:
Հուշարձանի նախագիծն արդեն պատրաստ է և հավանության է արժանացել աշխատանքային խմբի կողմից:
Հուշարձանի հեղինակը քանդակագործ Լևա Բեյբությանն է, իսկ այգու բարեկարգման նախագիծն իրականացրել է ճարտարապետ Մաքսիմ Աթայանցը:
Ճարտարապետ Մաքսիմ Աթայանց
Հուշարձանի ֆիգուրը 3 մետր է, քանդակված է բնական քարից: Արձանը տեղադրվելու է Կամսկի փողոցի ու Սմոլենկայա գետի միջև ընկած հատվածում: