Ինչպես արդեն հայտնել էինք, Արմավիրի մարզի Լենուղի գյուղի վթարային հանրակացարանում ապրող բնակիչներն այսօր հավաքվել էին կառավարության շենքի մոտ` պատասխան լսելու, թե ե՞րբ է գործադիրը վերջապես զբաղվելու իրենց հարցով:
«Տուն ենք ուզում, վթարային են մեր շենքերը, բլվում ա գլխներիս: Երեկ երեխիս գլխին քար ընկավ, ո՞վ է պատասխան տալու: Ամեն տարի ասում են` կլինի, բայց ո՞ւր ա, 25 տարի խաբում են մեզ»,- ասում է 4-րդ կարգի վթարային շենքի բնակչուհի Անուշ Իվանյանը:
Կառավարությունից չստանալով որևէ արձագանք` հուսահատ գյուղացիները հեռացել են շենքի մոտից: