ԱՄՆ-ի արևելյան հատվածում այս գիշեր կանխատեսվող ձնաբքի պատճառով երկրում մոտ 1600 ավիաչվերթ չեղյալ է հայտարարվել: Ինչպես հաղորդում է «Ռոյթերս»-ը, օդերևութաբանների կանխատեսումներով՝ սպասվում է, որ Միացյալ Նահանգների արևելյան հատվածում առաջիկա երկու օրը ձյան շերտի հաստությունը հասնելու է մինչև 30 սանտիմետրի:
Աղբյուրը նշում է, որ Ազգային օդերևութաբանական ծառայության տվյալներով՝ ձնաբքի թիրախային հատվածներ կարող են դառնալ հատկապես Կենտուկի և Արևմտյան Վիրջինիա նահանգներն, իսկ հարևան նահանգներում ձյան շերտի հաստությունը կարող է կազմել 10-15 սանտիմետր:
Հաղորդվել է նաև, որ ձնաբքից անմիջապես հետո սպասվում է ջերմաստիճանի կտրուկ բարձրացում, որի պատճառով երկրում հեղեղումներ են սպասում: