ԱՄՆ-ի զինված ուժերի տեղեկացմամբ՝ ռուս մոտ 12 հազար զինծառայող գտնվում է Ուկրաինայի արևելյան հատվածում և սատարում է այնտեղի անջատական ուժերին: Ինչպես հաղորդում է «Ռոյթերս»-ը, այս մասին հայտարարել է Եվրոպայում ամերիկյան զինուժի հրամանատար Բեն Հոջեսը:
Ամերիկացի հրամանատարը հայտարարել է, որ նրանց թվում առկա են ռազմական խորհրդատուներ, զինտեխնիկայի օպերատորներ և պարզապես շարքային զինծառայողներ:
Աղբյուրը նշում է նաև, որ Բեռլինում ունեցած ելույթի ժամանակ Հոջեսը հայտնել է, որ ռուսական բանակի մոտ 29 հազար զինծառայողներ էլ տեղակայված են վերջերս Ռուսաստանին միացված Ղրիմի թերակղզում: