ՌԴ ՆԳՆ-ը հատուկ միջոցներ է ձեռնարկում Բորիս Նեմցովի թաղման ժամանակ անվտանգություն ապահովելու համար: Թաղման արարողությունները կսկսվեն այսօր, Երևանի ժամանակով ժամը 11-ից: Սպանված քաղաքական գործչին կթաղեն Մոսկվայի Տրոեկուրովսկյան գերեզմանոցում՝ ժամը 15:30-ին:
Հասարակական կարգը կպահպանեն 100 ոստիկան և 100 հատուկջոկատային: Նրանք կհսկեն ճանապարհի վրայի շենքերի բոլոր մուտքերը:
Հուղարկավորությանը ներկա են լինելու նաև բազմաթիվ քաղաքական գործիչներ, այդ թվում՝ արտերկրից:
Ոստիկանությունը ողջ ընթացքը հսկելու է առցանց տեսախցիկներով: