Այս գիշեր Մոսկվայում սպանված ՌԴ ընդդիմադիր գործիչ Բորիս Նեմցովի ընտանեկան փաստաբան Վադիմ Պրոխորովը հայտնել է, որ Բորիսի սպանությունից որոշ ժամանակ առաջ անհայտ անձինք համացանցում սպառնալիքներ էին հնչեցրել նրա հասցեին: Այս մասին հաղորդում է «Գազետա»-ն:
«Սրանից մի քանի ամիս առաջ Բորիս Նեմցովի հասցեին համացանցում սպառնալիքներ էին տարածվել: Մենք նույնիսկ դատական հայց էինք ներկայացրել, սակայն ոչ մի արձագանք չեղավ»,- հայտարարել է Պրոխորովը:
Ընդդիմադիր գործչի փաստաբանը նշել է նաև, որ վերոնշյալ անհայտ անձինք սպառնացել էին նույնիսկ սպանել Բորիսին: