ԲՀԿ-ից արտագաղթողների թիվն օր-օրի ավելանում է, իսկ լքողների շարքը համալրել պատրաստվողների թվում արդեն գլխավոր դերակատարների անուններն են հնչում, այդ թվում նաև` Տիգրան Ուրիխանյանի: Ասում են` առաջիկա համագումարի ժամանակ վերջինը հայտարարելու է, որ հրաժարվում է ԲՀԿ մամուլի խոսնակի պարտավորություններից. ըստ լուրերի` նա հավակնում է ԲՀԿ նախագահի պաշտոնին: Համաձայն այլ խոսակցության` մարտի 5-ին ինչպես նա, այնպես էլ Վարդան Օսկանյանն ու Մարտուն Գրիգորյանը լքելու են կուսակցությունը` հիմնավորմամբ, որ այլևս չեն ցանկանում մնալ հեղինակազրկված ու հետքայլ կատարած ուժի շարքերում: