Դեռ 2001 թվականին ֆրանսիական թանգարանից գողացված՝ Պաբլո Պիկասոյի վրձնին պատկանող «Վարսավիրը» (La Coiffeuse) կտավը հայտնաբերվել է ԱՄՆ-ի մաքսային աշխատողների կողմից:
Ինչպես հաղորդում է «ԷնԲիԷս» հեռուստաընկերությունը, միլիոնավոր դոլարներ արժողությամբ աշխատանքն ուղարկվել է փոստով՝ որպես ծանրոց և գնահատվել 37 դոլար:
«Վարսավիրը» ստեղծվել է 1911 թվականին, պահվել Պոմպիդուի Կենտրոնում և պատկանել է Ֆրանսիայի կառավարությանը:
Հարկ է նշել, որ մինչ օրս էլ չի բացահայտվել, թե ինչ հանգամանքներում էր այն անհետացել:
Մոտ ապագայում գլուխգործոցը կվերադարձվի Ֆրանսիա: