ՀՀ ԿԳ նախարար Արմեն Աշոտյանի ֆեյսբուքյան էջում կարդում ենք. «Այսօր դիմել եմ ՀՀ մարզպետներին և Երևանի քաղաքապետին, որպեսզի հանձնարարեն իրենց ենթակայության ուսումնական հաստատությունների տնօրեններին` Մարտի 8-ի և Ապրիլի 7-ի տոնական միջոցառումները կազմակերպելիս ձեռնարկել բոլոր անհրաժեշտ միջոցները` դրամահավաքության դրսևորումները բացառելու համար: ՀՀ ԿԳՆ ենթակայության տակ գտնվող դպրոցների տնօրենները արդեն ստացել են նման հանձնարարական»:
Չնայած այս ամենին՝ հատկապես երևանյան դպրոցների մեծ մասում, կարելի է ասել, արհամարհվում է նախարարի հանձնարարականը: ՄԱՄՈՒԼ.am-ի հստակ տեղեկություններով՝ լայնամասշտաբ դրամահավաքներ են իրականացվում երևանյան մի շարք դպրոցներում, որոնց ցուցակը կներկայացնենք առավել ուշ:
Դրամահավաքներ իրականացվում են նաև մանկապարտեզներում:
Ըստ այդմ՝ ՄԱՄՈՒԼ.am-ը դիմում է իր ընթերցողներին: Եթե ականատես եք, կամ տեղեկացված դրամահավաքության դեպքերի, գրեք մեր Էլեկտրոնային հասցեին՝ info@mamul.am, կամ զանգահարեք՝ +374 (10) 55-20-59: Տեղեկատվության գաղտնիությունն ապահովվում է:
Միասին պայքարենք արատավոր երևույթների դեմ: