Իրադարձություններ

     Շիրակի մարզում գյուղատնտեսների հետ հանդիպման ժամանակ Սերգո Կարապետյանի` «կարտոֆիլը աղջկա պես մի բան է, առաջին ուզողին պիտի տաս» արտահայտությունից վիրավորված` մի խումբ ակտիվիստներ այսօր բողոքի ակցիա են արել կառավարության շենքի մոտ:
     «Սկուտեղով կարտոֆիլը գյուղնախարարի համար ենք բերել, քանի որ ինքը գյուղացիների հետ հանդիպման ժամանակ աղջիկներին կարտոֆիլի հետ էր համեմատել: Պահանջում ենք, որ ներողություն խնդրի»,- ասել է երիտասարդներից մեկը:
     Ավելի ուշ հայտնի է դարձել, որ ՀՀ գյուղատնտեսության նախարար Սերգո Կարապետյանն ընդունել է բողոքի ակցիայի մասնակիցներին ու ափսոսանք հայտնել, որ իր խոսքը վիրավորանք է ընկալվել: «Այնուհանդերձ, եթե որևէ մեկին վիրավորել եմ, ապա հայցում եմ նրանց ներողամտությունը»,- ասել է նախարարը: