«Հանրային հեռուստաընկերությունը պետք է հասարակության բոլոր խնդիրները, քաղաքական դաշտի զարգացումները անաչառ ներկայացնի ժողովրդին: Ասեք մի դեպք, երբ 2013-14թթ Հանրայինը ՀԱԿ-ից որևէ պատգամավորի եթեր է հրավիրել»,- դիմելով Հեռուստատեսության և ռադիոյի ազգային հանձնաժողովի նախագահ Գագիկ Բունիաթյանին` հարցրեց պատգամավոր Արամ Մանուկյանը:
«Չեմ կարող հստակ ասել, բայց վստահ եմ` չի կարող նման բան լինել, դուք եղել եք ներկայացված, իսկ ժամանակահատվածը կարող ենք ճշտել»,- պատասխանեց նա:
Մանուկյանն արձագանքեց. «Բացարձակ ոչ մի հրավեր չի եղել 2 տարվա մեջ... Դա ոչ թե Հանրային, այլ Հանրապետականի հեռուստաընկերություն է»: