Այս օրերին Հայաստանում դարձյալ իրականացվում է հաշմանդամության կարգի հաստատման և վերահաստատման կարգը, ինչը նշանակում է, որ բժշկասոցիալական փորձաքննություն իրականացնող պետական իրավասու մարմնի անդամները դարձյալ «խոպան են գնալու» մարզեր: Ասում են՝ Հայաստանում չգրված օրենք է, որ հաշմանդամը պետք է կարգը հաստատող հանձնաժողովին «կամիսիայի օրը» կանխիկով «մուծվի» նշանակված կարգի ամսական թոշակին համապատասխան գումար: Այսպես, եթե օրինակ հաշմանդամության 2-րդ կարգը ենթադրում է մոտ 35 հազար դրամ, ապա «կամիսիայի օրը» նա պետք է այդ 35 հազարը կանխիկ տա վերահաստատող հանձնաժողովին, որպեսզի չզրկվի հաշմանդամության թոշակից: