Իրադարձություններ

     Մինչ «Երևան մոլ» առևտրի կենտրոնի մարքեթինգի և հասարակայնության հետ կապերի բաժինը հաղորդագրություն է տարածում, որ այսօրվա ակցիայի արդյունքում ««Մոլ»-ն իրապես մարդաշատ էր, սակայն ոչ մի արտառոց դեպք չի գրանցվել», հոսպիտալացվածների թիվն ավելանում է:
     Ավելի վաղ հայտնել էինք, որ մարդկանց բազմության, հրմշտոցի ու ծեծկռտուքի հետևանքով 3 մարդ տեղափոխվել է «Էրեբունի» հիվանդանոց: ՄԱՄՈՒԼ.am-ի թղթակցի հետ զրույցում ընդունարանի բաժանմունքի վարիչ Հասմիկ Սաիյանը քիչ առաջ ասաց, որ բուժկենտրոն տեղափոխված քաղաքացիների թիվը հասել է 4-ի. «Թե կոնկրետ ինչ վնասվածքներով են հոսպիտալացվել, դեռ չեմ կարող ասել, քանի որ հետազոտությունը շարունակվում է, իսկ հոսպիտալացվողների թիվն` ավելանում»,- ասաց նա: