Երեկ երեկոյան Կ. Պոլսի Քադըքոյ շրջանում սպանվել է հայտնի լրագրող և գրող Նուհ Քոքլուն: Ինչպես գրում է «Ակօս»-ը, լրագրողը մահացել է սրտի շրջանում հասցված դանակի հարվածից՝ ձնագնդի խաղալու ժամանակ:
Լրագրողի պատրաստած ձնագնդին պատահաբար կպել է արհեստավորի խանութի ապակիներից մեկին: Այդ ամենն այնքան է բարկացրել արհեստավորին, որ վերջինը հարձակվել է Քոքլուի վրա և դանակի հարված հասցրել սրտի շրջանում:
Լրագրողին տեղափոխել են հիվանդանոց, սակայն նրա կյանքը չի հաջողվել փրկել: