Երեկ Շվեյցարական Ալպերում ձնահյուսի պատճառով 6 մարդ է մահացել: Ինչպես հաղորդում է տեղի ոստիկանութjունը, դեպքերը տեղի են ունեցել Գրաուբյուդեն և Բեռն գավառների տարածքներում: Գրաուբյուրդենում ձնահյուս է տեղի ունեցել այն ժամանակ, երբ 9 մարդուց բաղկացած լեռնադահուկորդների խումբը վայրէջք է կատարելիս եղել Պից Վիլան լեռան գագաթից, 2200 մետր բարձրությունից: Դահուկորդներից 7-ը հայտնվել է ձնահյուսի տակ, որոնցից 4-ը մահացել է:
Միևնույն օրը 2 դժբախտ պատահար է տեղի ունեցել Բեռն գավառում:
Ընդհանուր առմամբ` 3 օրվա ընթացքում Շվեյցարիայում 10 մարդ է ձնահյուսի զոհ դարձել, հաղորդում է «ՏԱՍՍ»-ը:
Շվեյցարիայի ոստիկանությունը լեռնադահուկային սպորտի սիրահարներին հորդորում է զգույշ մնալ ձնահյուսերից, քանի որ վերջին մի քանի օրերին Ալպերի որոշ հատվածներում մինչև 120 սմ ձյուն է տեղացել, և դժվար է որոշակիորեն պարզել` որտեղ է ձյան շերտը կայուն և որտեղ` ոչ: