«Forbes» ամսագիրը հրապարակել է Ռուսաստանի 30 խոշորագույն գործարարների ցանկը, ովքեր 2014-ին ամենամեծ եկամուտն են ապահովել իրենց պատկանող անշարժ գույքի վարձակալությունից՝ գրասենյակներ, առևտրի կենտրոններ, հյուրանոցային և պահեստային համալիրներ:
Առաջին տեղը երրորդ տարին անընդմեջ զբաղեցրել են «Կիևսկայա պլոշադ» ձեռնարկության սեփականատերեր Զարախ Իլիևն ու Գոդ Նիսանովը։
Երկրորդ հորիզոնականում «Տաշիր» ընկերությունների խմբի սեփականատեր Սամվել Կարապետյանն է, ով վարձակալությունից ավելի քան 1 մլրդ դոլար եկամուտ է ստացել:
Նշենք, որ «Տաշիրին» պատկանում է 19 առևտրային-ժամանցային կենտրոն, որոնք տեղակայված են Ռուսաստանի 9 քաղաքներում: Դրանց թվում է նաև «Ռիո» ցանցը:
«Forbes»-ի տվյալներով՝ երրորդ տեղում «ԻԿԵԱ-Մոս» ընկերությունն է:
Հարկ է նեշել, որ անցյալ տարի նույն աղյուսակը եզրափակել էր հայազգի գործարար Դանիլ Խաչատուրովը, ում պատկանող ընկերությունն այս տարի դուրս է մնացել ցանկից: