Այն ժայռը, որի վրա տեղակայված է հունական փոքրիկ Մոնեմվասիա քաղաքը, հայտնվել է մեր թվագրության 4-րդ դարում տեղի ունեցած հզոր երկրաշարժի արդյունքում: Առաջին քարն այստեղ դրվել է այդ աղետից 200 տարի անց, իսկ մինչև 20-րդ դարի վերջն այս փոքրիկ քաղաք կարելի էր հասնել միայն ծովով:
Մոնեմվասիան թիկունքից պաշտպանված է վեր խոյացող լեռնային զանգվածով, ամբողջ կղզու լայնքը 300 մետր է, երկարությունը՝ մոտ մեկ կմ: Այս քաղաք-ամրոցը հանդիսանում է բյուզանդական, օսմանյան և վենետիկյան մշակույթների կենդանի ժառանգորդը: Բազում դարերի ընթացքում այն ձեռքից ձեռք է անցել տարբեր զավթիչների կողմից, մինչև որ 19-րդ դարում ազատագրվել է հույների կողմից: