Ինչպես արդեն
հայտնել էինք, Բաղրամյան պողոտա էր ժամանել նաև Երևանի ոստիկանապետ Աշոտ Կարապետյանը, ով լրագրողներին ասել էր, որ ոչ թե լարվածություն է նկատել ու եկել, այլ պարզապես ստուգում է ոստիկանների ծառայությունը: Քիչ անց նա և փոխոստիկանապետ Վալերի Օսիպյանը կարճատև առանձնազրույց են ունենում կազմակերպիչներից մի քանիսի հետ, որից հետո վերջիններն անմիջապես հայտարարում են հետագա անելիքների ու նստավայրի դիմացից հեռանալու մասին:
Այն հարցին, թե ի՞նչ արդյունք ստացան այսօրվա երթից, ցուցարարներից մեկը պատասխանեց. «Եկանք, դատարկ շենքը նայեցինք ու գնում ենք: Տպավորություն է, թե ՀՀ նախագահն ու պետական մյուս պաշտոնյաները խուլ ու համր են, որ չեն տեսնում ու լսում մեզ»: