Ուկրաինայի արևելյան հատվածում երեկ գիշեր և այսօր վաղ առավոտյան կրկին բախումներ են եղել:
Ինչպես հաղորդում է «Ռոյթերս»-ը, Ուկրաինայի Զինված ուժերի մամլո ծառայության քարտուղար Վլադիսլավ Սելեզնյովը հայտնել է, որ սաստիկ բախումներ են տեղի ունեցել Դոնեցկի հյուսիսարևելյան հատվածում գտնվող և ռազմավարական կարևոր նշանակություն ունեցող Դեբալցեվո փոքր քաղաքի շրջակայքում: Այդ բախումների արդյունքում ուկրաինացի 9 զինծառայող մահացել է, իսկ 29-ը ստացել է տարբեր աստիճանի վնասվածքներ:
Նշենք, որ ՄԱԿ-ում Ուկրաինայի մշտական ներկայացուցիչ Յուրի Սերգեևը երեկ հայտարարել էր, որ Ուկրաինայում գտնվող ռուսական զորքի թիվը հասել է արդեն 12 հազարի: