Ուկրաինայի արևելյան հատվածում շարունակում է լարված իրավիճակ տիրել: Ինչպես հաղորդում է «Ռոյթերս»-ը, երկրի պաշտպանության նախարարության մամլո քարտուղար Վլադիսլավ Սելեզնյովը հայտարարել է, որ անջատողականների կողմից հրադադարի խախտումները շարունակվել են նաև երեկ և այսօր, ինչի հետևանքով աճել է զոհերի թիվը:
«Վերջին 24 ժամերի ընթացքում անջատողական ուժերի կողմից հրադադարի պարբերական խախտումների արդյունքում ուկրաինական բանակը տվել է 7 զոհ, իսկ 24 զինծառայող ստացել է տարբեր աստիճանի վնասվածքներ»,- հայտարարել է Սելեզնյովը:
Նշենք, որ ռուսական կողմն իր հերթին հայտարարել է, որ Դոնբասի ժողովրդին այս ծանր իրավիճակում օգնելու նպատակով Ռուսաստանը պատրաստվում է հունվարի 27-ին մարդասիրական օգնության նոր շարասյուն ուղարկել Ուկրաինայի Դոնեցկ և Լուգանսկ տարածաշրջաններ: