ԱՄՆ նախագահ Բարաք Օբաման հայտարարել է, որ Ուկրաինայի հակամարտության հարցում ռազմական լուծումը բացառված է, սակայն իրենք այլ մեթոդներով շարունակելու են ճնշում գործադրել Ռուսաստանի վրա: Այս մասին հաղորդում է «ՍիԷնԷն»-ը:
«Ռուսաստանի և դրա տնտեսության թուլացումը մեր շահերից չի բխում: Սակայն մեր շահերից է բխում շատ կարևոր մի սկզբունք, այն է՝ մեծ պետությունները չպետք է ճնշում գործադրեն ավելի փոքր պետությունների վրա»,- հայտարարել է Օբաման:
ԱՄՆ նախագահը նշել է նաև, որ ինքը ուսումնասիրելու է ուկրաինական հակամարտության կարգավորման համար բոլոր հնարավոր միջոցները՝ բացառելով, իհարկե, խնդիրը ռազմական միջամտության միջոցով հարթելու տարբերակը: