Ադրբեջանցի ընդդիմադիր գործիչ Սերդար Ջալալօղլուի հայտարարությունը ցնցել է ողջ Ադրբեջանը: Ըստ քաղաքական գործչի` Ադրբեջանի սագայի բոլոր հերոսները հայեր են:
Սերդար Ջալալօղլուն հայտարարել է, որ «Քյորօղլու» էպիկական պոեմը, որը ադրբեջանցիները համարում են իրենց էպոսը, ստեղծել է Թեբրեզյան անունով մի հայ:
«էպոսում և առհասարակ` Ադրբեջանում, 4 կնոջ կերպար կա. Ասլին, Շիրին, Նիգեր և Խաջար: Ասլինը հայ է, Խաջարը` քուրդ, Նիգերի ծագումը դեռ հայտնի չէ, Շիրինն էլ պարսիկ է: Պարզ է, որ նրանցից ոչ մեկն էլ չի կարող ադրբեջանցի կնոջ մարմնավորում լինել: Այստեղից էլ ակնհայտ է, որ նրանցից և ոչ ոք ադրբեջանցի որդի չէր կարող ունենալ, ըստ այդմ էլ` Ադրբեջանի ազգային հերոսի կերպար գույություն չունի»,- հայտարարել է Սերդար Ջալալօղլուն:
Նշենք, որ «Քյորօղլու» էպիկական պոեմը մի շարք թյուրքական ազգեր համարում են իրենց ազգային վիպերգը: Այստեղ պատմում է Քյորօղլուի (կույրի տղա)` Կենտրոնական Ասիայում և Կովկասում կատարած սխրագործությունների մասին:
Պոեմի որոշ դրվագներ ունեն նաև հայերեն թարգմանոթյուն, որոնց հեղինակն է Ղազարոս Աղայանը: