Մալաթիայի քաղաքապետարանը (Թուրքիա) ավարտին է հասցրել հայկական գերեզմանատների վերականգնման աշխատանքները ու այն հանձնել Մալաթիայի «Հայկական բարեգործական միությանը»:
Մալաթիայի քաղաքապետարանը կազմակերպել է նաև վերանորոգված շինությունների հանդիսավոր բացումը, որին հրավիրված է են եղել քաղաքապետ Ջեմ Վաքֆըն և Մալաթիայի «Հայկական բարեգործական միության» մի շարք անդամներ:
«Մեզ համար շատ կարևոր օր է. մեր նախնիների հոգիները դրախտի մի անկյունում կհանգստանան. կատարված գործի համար ուրախ ենք»,- հայտարարել է «Հայկական բարեգործական միության» նախագահ Խոսրով Քյոլեդավիթօղլուն:
Թուրքական «Սի Էն Էն թուրք»-ի փոխանցմամբ` 2012թ. փետրվարին Մալաթիայի Քիլթեփե թաղամասի նշված կառույցները նույն քաղաքապետարանի կողմից սխալմամբ քանդվել էին: