Ըստ Թուրքիայի ընդդիմադիր Ժողովրդահանրապետական կուսակցության անդամ, պատգամավոր Սեզգին Թանրըքուլուի` Թաքսիմի հրապարակում շինարարական աշխատանքներ իրականացնելիս հայտնաբերվել են հայկական գերեզմանաքարեր: Ուսումնասիրության համար դրանք ուղարկվել են Թուրքիայի մշակույթի և տուրիզմի նախարարություն:
Նախարարի փոխանցմամբ` արդեն մի քանի օր է, ինչ Ստամբուլի Թաքսիմի հրապարակում շինարարական աշխատանքներ են իրականացվում, ինչի արդյունքում էլ 16 հայկական գերեզմանաքարեր են հայտնաբերվել: Հայտնաբերվել են նաև 19-րդ դարին պատկանող պատմական շինությունների մնացորդներ: