Թուրքական դատարանը ստամբուլահայ գրող, հոդվածագիր Սևան Նիշանյանին դատապարտել է 58 շաբաթվա ազատազրկման` բլոգային հղման համար: Ըստ մեղադրանքի՝ բլոգում հայազգի գրողը վիրավորել է Մուհամմեդ մարգարեին: Այս մասին հաղորդում է թուրքական «Հյուրրիյեթ»-ը:
Մեղադրող կողմը ցանկանում էր նրան դատապարտել 1 տարի 45 օր ազատազրկման: Գրառման մեջ Նիշանյանն ասել է. «Արաբ առաջնորդը տարիներ առաջ կապ է հաստատել Ալլահի հետ, և օգտվել տարբեր ֆինանսական, քաղաքական և սեքսուալ առավելություններից»:
Նիշանյանին չհաջողվեց ազատ արձակվել գրավադրմամբ, սակայն նա ունի բողոքարկման իրավունք:
Այսօր դատավճռից հետո Նիշանյանն իր բլոգում գրել է. «Տարածենք այս հոդվածը, որը դատապարտվել է 13,5 ամիս բանտարկության Ստամբուլի 10-րդ հանցավոր դատարանում` կրոնական վիրավորանքի, «բլա-բլա-բլա»-ի համար»: