Դեմքի վրայի պզուկները անցնելուց կամ դրանց սեղմելուց հետո դեռ երկար ժամանակ մնում են նրանց հետքերը: Դրանք վերացնելու համար արդյունավետ է կիրառել հետևյալ դիմակը:
2 թեյի գդալ կավը, 1 թեյի գդալ չոր փոշիացած գետասպունգը (բադյագա, վաճառվում է դեղատանը) և 3-4 թեյի գդալ ջուրը լցնել տարայի մեջ և խառնել: Ստացված միասեռ զանգվածը քսել թաց մաշկին: 20 րոպե հետո, երբ այն չորանա, պետք է մաքրել խոնավ անձեռոցիկով, հետո լվանալ: Վերջում քսել թեթև, սնուցող քսուք: