Ռուսաստանի պաշտպանության նախարար Սերգեյ Շոյգուն հայտարարել է, որ Իսրայելի գործողությունները, որոնք 15 ռուս զինծառայողների մահվան և Իլ-20-ի կործանմանը հանգեցրին, Ռուսաստանին ստիպեցին միջոցներ կիրառել՝ ուղղված Սիրիայում զինծառայողների անվտանգության բարձրացմանը, փոխանցում է Московский комсомолец-ը:
Խոսքը, մասնավորապես, սիրիացի զինծառայողներին ռուսական արտադրության С-300 հրթիռային համակարգերի տրամադրման մասին է: Այն կտրամադրվի երկու շաբաթվա ընթացքում:
Շոյգուն հիշեցրել է, որ 2013թ. Ռուսաստանն իսրայելական կողմի խնդրանքով դադարեցրել էր Սիրիային С-300-ների մատակարարումը: