«Գանձասար-Կապան» ֆուտբոլային ակումբը երկկողմ համաձայնությամբ խզել է թիմի սերբ կենտրոնական պաշտպան Վուկաշին Տոմիչի հետ պայմանագիրը։ Սերբ պաշտպանը 6 հանդիպում էր անցկացրել կապանյան թիմի մարզաշապիկով։ «Գանձասար-Կապան»-ում իր ելույթները չի շարունակի նաև բելառուս պաշտպան Ալեքսանդր Սվերչինսկին։ Ակումբը նրան թիմից հեռացնելու որոշում է կայացրել՝ կարգապահական կոպիտ խախտումներ թույլ տալու պատճառով։