Խնդրում ենք սպասել...
COMMENT.am
Այսօր`  ուրբաթ, 19 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Համացանց

«Նոր Նորքի նախկին թաղապետ Արմեն Ուլիխանյանն ինչո՞ւ էր մի քանի դպրոցների տնօրենների ցուցում տվել՝ աշխատելու Արտակ Զեյնալյանի օգտին». Կարինե Հարությունյան

00:30, չորեքշաբթի, 19 սեպտեմբերի, 2018 թ.
«Նոր Նորքի նախկին թաղապետ Արմեն Ուլիխանյանն ինչո՞ւ էր մի քանի դպրոցների տնօրենների ցուցում տվել՝ աշխատելու Արտակ Զեյնալյանի օգտին». Կարինե Հարությունյան

Լրագրող Կարինե Հարությունյանը ֆեյսբուքյան իր էջում գրում է. «Հեղափոխություններն ինչպես մաքրում են, այնպես էլ՝ սրբում: Հեղափոխությունները նաև զտում են: Ոչ միայն զտում, նաև զատում են: Նայած, թե ով ինչի է ձգտում: Այս համատեքստում մի երկու հարց` «Հանրապետություն» կուսակցության ղեկավար Արամ Սարգսյանին: «Որովհետև նույն սահմանադրական հանրաքվեն էլ վերջիվերջո Ազգային ժողով է գալու, ու էդ մարդիկ, որ մի անգամ ձեզ օգնել են, կարող է հիմի չօգնեն»,- երեկ ասել է նա:
     Պարոʹն Սարգսյան, դուք ձեր ձայնը Նիկոլի՞ն եք տվել, թե՞ ժողովրդին: Եթե Նիկոլին եք տվել, կարող եք էլ չտալ, տնօրինեք այն, ինչպես կկամենաք, իսկ եթե, այնուամենայնիվ, ժողովրդին եք տվել, ինչպե՞ս հասկանալ ձեր երեկվա հայտարարությունը: Ի՞նչ եք կարծում, եթե ժողովուրդը հավաքվի նույն հրապարակում՝ այնքան, որքան կանգնած էր մայիսի 1-ին և 8-ին, չե՞ք քվեարկի ԱԺ-ի նոր ընտրությունների օգտին:
     Լա՛վ, ենթադրենք՝ եղավ այնպես, ինչպես դուք եք ակնարկում: Մտածե՞լ եք, թե ի՞նչ է լինելու ձեզ հետ՝ ժողովրդի համակրանքը վայելող իշխանությանը չաջակցելուց հետո: Արդեն մեկ անգամ անխոհեմ եք գտնվել՝ հեղափոխության ժամանակ չկանգնելով ՔՊ կուսակցության կողքին և փորձել եք ձեր սխալը սրբագրել ձեր իսկ քվեարկությամբ: Երկրորդ անգամ նույն անխոհեմությունը թույլ տալուց հետո ձեզ ոչինչ չի օգնի: Մեր ժողովուրդը մարդասեր է, բայց ոչ կույր: Քաղաքական հարթակում ժողովուրդը կարող է անողոք լինել, հատկապես, երբ խոսքն իր ապագային է վերաբերում:
     Պարոն Սարգսյան, վիրավորվել եք, որ ձեզ մեղադրում են ՀՀԿ-ի հետ համագործակցելու համա՞ր: Նոր Նորքի նախկին թաղապետ Արմեն Ուլիխանյանին հարցրե՞լ եք, թե ինչու էր մի քանի դպրոցների տնօրենների ցուցում տվել՝ աշխատելու Արտակ Զեյնալյանի օգտին: Ուլիխանյանը պետական պաշտոնյա էր, նախկին իշխող կուսակցության՝ ՀՀԿ-ի ներկայացուցիչ և աշխատում էր ձեր թեկնածուի օգտին: Սա ձեզ չի՞ մտահոգել:
     Մի ուրիշ բան: Արտակ Զեյնալյանին այդքան գովում եք, լավ եք անում: Զեյնալյանին էլի գովողներ կան, ինչպես և գովողներ կան մյուս թեկնածուներին: Զեյնալյանը նաև ձեր ընկերն է, ինչպես նաև Արդարադատության նախարար: Կասե՞ք, թե ինչու է նա երեք ամսվա նախարար լինելով արձակուրդ վերցրել՝ ավագանու ընտրություններին մասնակցելու համար: Այդ արձակուրդն ինչպե՞ս է ձևակերպվել: Եթե օրենքը թույլ է տալիս, երեք ամսվա աշխատողին արձակուրդ վերցնել՝ ընտրություններին մասնակցելու համար, ապա այստեղ մնում է հարցի զուտ բարոյական կողմը. այդքան կարևո՞ր էին այդ ընտրությունները՝ արդարադատության համակարգում օր առաջ առողջացման գործընթացներ սկսելուց: Իսկ եթե օրենքը չի նախատեսում արձակուրդ, էլի բախվում ենք բարոյականությանը: Եվ եթե անգամ օրենքը նախատեսում է, կուզենայի ես՝ որպես քաղաքացի, իմանալ՝ Զեյնալյանն այդ արձակուրդը իր հաշվի՞ն է վերցրել, թե՞ պետության: Ամենևին կասկած չունենալով Զեյնալյանի մարդկային անբասիր նկարագրի առնչությամբ, այնուամենայնիվ, հարց. ինչու՞ Արդարադատության նախարար Զեյնալյանը ՔԿՀ-ում լինելով չայցելեց հացադուլ հայտարարած ցմահ բանտարկյալին:
     Էլի կարելի է շարունակել, բայց սահմանափակվեմ ձեր քաղաքական հետագիծը հիշելով.
     2003-ին ձեր թեկնածությունը հանեցիք Ստեփան Դեմիրճյանի օգտին, սակայն իրականում ոչ թե դա Դեմիրճյանի օգտին էր, այլ այն համոզմունքից դրդված, որ ժողովուրդը երկուսիդ մեջ Դեմիրճյանին է նախընտրում: 2008-ին միացաք Լևոն Տեր-Պետրոսյանին՝ կրկին ոչ Տեր-Պետրոսյանի համար, այլ որովհետև համոզված էիք, որ ասպարեզում եղած թեկնածուներից առաջին նախագահն է ի զորու համախմբել ընդդիմադիր ուժերին այն ժամանակվա ռեժիմի դեմ պայքարում: Եվ վերջապես 2018-ին հեղափոխության ողջ ընթացքում ԱԺ պատերից դուրս չգալով, երբ արդեն փաստ էր հեղափոխության հաղթանակն ու անշրջելի, մի ճիշտ բան արեցիք՝ քվեարկեցիք Նիկոլ Փաշինյանի թեկնածության օգտին: Բայց այդ ճիշտ բանը, առաջին հերթին, ձեզ համար արեցիք: Ձեզ համար»:

| | |
13333 | 6
Facebook
ՄԱՄՈՒԼ.am
Benik
Benik 06:50, 19.09.2018
Nuin ban@ katarvum e Erebunium baic BHK kusakcutyan hamar gaxtni ashxatum en mardik chamakerpvelov hexapoxutyan het naxkin azatvac taxapet ev taxain gorconner ev hrahangoxner Toxmaxi koxmic
Benik
Benik 06:53, 19.09.2018
Isk molorvac Aram@ tox miat gna tun u axpor@ harc ta . inch gorc uneir Sashiki lakoti het restoranum u nor ga kangni qlngi noric ir Kapikutyunnerov
Harut
Harut 11:11, 19.09.2018
ulix@ shat shakala zeynalyani het arden paimanavorvacutyun uni,dra hamar dranc voch mi dzayn charji tal