ՌԴ նախագահ Վլադիմիր Պուտինը կոչ է արել չհամեմատել Սիրիայում Իլ-20-ի խոցումը Սու-24-ի միջադեպի հետ, որը խոցվեց 2015թ. Սիրիայի հյուսիսում թուրքական կործանիչի կողմից, հաղորդում է РИА Новости-ն:
«Այդ ժամանակ թուրքական կործանիչը դիտավորությամբ խոցեց մեր ինքնաթիռը: Իսկ այստեղ խոսքը պատահական, ողբերգական հանգամանքների շղթայի մասին է, քանի որ իսրայելական կողմը չի խոցել մեր ինքնաթիռը»,- ասել է Պուտինը:
Նրա խոսքով՝ Ռուսաստանը կապահովի Սիրիայում իր զինվորականների անվտանգությունն ու «դա կնկատեն բոլորը»:
Հիշեցնենք, որ ավելի վաղ ՌԴ ՊՆ-ն միջադեպի համար պատասխանատու էր համարել Իսրայելին: Իսրայելի բանակն, իր հերթին, պատասխանատու էր համարել Ասադի ռեժիմին: