Հայ առաջատար շախմատիստ Լևոն Արոնյանի կինը՝ Արիանե Քաոլին, բարեգործական հեծանվավազքի կմասնակցի՝ «Հայաստանի մանուկներ հիմնադրամ»-ի համար։ Նա հեծանվով կանցնի 1,800 կիլոմետր ճանապարհ՝ Թուրքիայով և Իրանով՝ դեպի Հայաստան, որպեսզի միջոցներ հավաքագրի հիմնադրամի համար: Միջոցներն օգտագործվելու են գյուղական համայնքներում ապրող հայ երեխաներին որակյալ առողջապահական ֆիզիկական կրթությունը հասանելի դարձնելու համար:
Մեկնարկը կտրվի Այասից, որտեղից Մարկո Պոլոն սկսել էր իր Արևելյան արշավը: Արիանեն այցելելու է նշանակալի արժեք ունեցող պատմական և հնագիտական հուշարձաններ: Որոշ հատվածներում, անվտանգության նկատառումներից ելնելով, ինչպես նաև տեսանկարահանման և վավերագրման համար, իրեն մեկ մեքենա է հետևելու: