Ի՞նչ է խոսում քաղաքը

Վերջին օրերին ակտիվորեն շրջանառվում են տեղեկություններ այն մասին, որ ՀՀ նախկին վարչապետ Տիգրան Սարգսյանի դեմ նյութեր են հավաքվում: Համաձայն այդ տեղեկությունների, բացի կոռուպցիոն և օֆշորային աղմկահարույց գործերը, վերջինի դեմ ծանր մեղադրանքներ կառաջադրվեն` կապված նաև Մարտի 1-ի դեպքերին հաջորդող պետական ռեպրեսիաների հետ: Ասում են, որ Տիգրան Սարգսյանն ակտիվ մասնակցություն է ունեցել մարտի 1-ից հետո պետական ապարատում ազատամիտ և ընդդիմադիր աշխատակիցներին ճնշելու, լռեցնելու և աշխատանքից ազատելու գործում: Ըստ շրջանառվող լուրերի, Տիգրան Սարգսյանի կողմից կազմակերպված բռնաճնշումների սև գործն իրականացրել են նրա բարեկամ-խորհրդականները: Ասում են նաև, որ աշխատանքային ճնշումների հարցում Տիգրան Սարգսյանին օգնել են պետական օղակներում իրեն ենթակա և թիմակից մի շարք պաշտոնյաներ, փոխնախարարներ, ՊՈԱԿ-ների տնօրեններ և այլոք, որոնց անունները շուտով կհրապարակվեն: