ԱՄՆ նախագահ Դոնալդ Թրամփը չի բացառել, որ երկիրը կարող է դուրս գալ Առևտրի համաշխարհային կազմակերպությունից, եթե այն չփոխվի դեպի լավը: Այս մասին նախագահ Թրամփն ասել է Bloomberg-ի հետ զրույցում:
«Եթե այն չբարելավի իր աշխատանքը, ապա մենք դուրս կգանք ԱՀԿ-ից: ԱՀԿ-ը բարեփոխումների անհրաժեշտություն ունի»,- ասել է Թրամփը:
Թրամփն ուշադրություն է դարձրել այն հանգամանքին, որ ԱՄՆ-ը մշտապես պարտվում է ԱՀԿ շրջանակներում վեճերում:
«Միայն անցած տարի մենք սկսեցին հաղթել: Եվ գիտե՞ք ինչու: Քանի որ նրանք գիտակցում են, որ մեր պարտության դեպքում ես կլքեմ այդ կազմակերպությունը»,- ընդգծել է Սպիտակ տան ղեկավարը:
Գործակալությունը նշում է, որ ԱՀԿ-ից ԱՄՆ-ի դուրսբերումը հարված կհասցնի տնտեսական համակարգին: